我的續集,,我跟那個女生的故事
之前曾經發post,,有興趣可以睇番我以往既故事part1:http://www4.nakuz.com/bbs/viewthread.php?tid=3530808
part2:http://www4.nakuz.com/bbs/viewthread.php?tid=3566748
黎到第3集...正文開始
自以為離開佢半年,,一切都可以淍淡,而我終於可以走出陰霾,離開佢既影子
無諗過11月尾既一日,,佢再一次改變我既世界
果日佢有正經野搵我做,,結果正經野搞掂,就開始傾無聊野
突然之間,家用電話斷線,我唯有出動到我部手動電話打比佢
果陣佢無我手提電話,一知道我有手提電話號碼就儲存左
自從佢擁有我手提電話果日開始,,
佢就隔幾日打電話比我
而我亦都習慣係電話之中待命,等候佢既來電
一直一直,,咁既關係維持左一段時期,但我地都無將咁既關係公開,生怕有傳言
截至今年年頭,佢唔係再由隔幾日打次比我,反而係每日打比我傾電話
我地既話題並唔係數之不盡,不時都會有冷場
但係關係並無因為咁而僵硬
但係每晚都傾到深夜,最早收線都只係凌晨1點,每日通電最少2小時
呢排難題再一次出現,,以下為對話,,女方稱為佢自己亦稱為我
以下對話經過刪減既,,唔係最完整版本,不過重要既對話係哂到
佢:你中意邊個?
我:唔話你知,亦都唔打算話你知
佢:點解?有必要保守咩?
我:唔想講咪唔講
佢:(不斷問問題,猜測究竟係邊個)
我:我唔會答你任何問題
佢:你唔會係中意我?
我:(雙方係呢個問題擾攘左好耐)
佢:點解你唔肯話我知?
我:點解你想知?
佢:我想知
我:咁我唔會話講
佢:(喊,因為我唔肯話佢聽)
我:我比提示你自己估
佢:嗯
(比佢估到,,答案開估係佢,但佢唔打算同我一齊)
我:一直以黎,我知道你中意邊個男仔,我明知道結果係唔會一齊,又驚失去呢段傾電話既關係,一直我先唔會講
佢:放心,咁又唔會
我:可唔可以答應我一樣野?
佢:嗯
我:如果你見到個適合就去同佢一齊喇
佢:點解你唔可以自私d?
我:只要你幸福就好喇
佢:將來同你一齊既女仔一定好幸福..
我:(苦笑)
唉,,其實有邊個唔想自私d擁有對方?
但係..我對我自己心知肚明
我樣一般,唔大隻,無錢,根本無辦法為佢做任何既野..
只有有個好男人出現佢先至會幸福
雖然佢將來會同其他男仔一齊,,我都會心痛,點解男方唔係我
但係心痛換來佢既以後既幸福,呢條數岩計…
有啲野唔係得到就係珍貴,佢得到幸福,我就已經足夠
借呢個平台由衷咁向佢祝福:希望你以後幸福、快樂,,唔好再喊喇,再喊就唔靚女...
頁:
[1]