聖徒配點一問
http://myweb.ncku.edu.tw/~f7494102/work/saint.html?R1EDCPr76_zAEKin0vD_A24%7C149$316$45各位大大
最近我在練我的聖徒
不知道加點是否正確
望各位能發表意見
感謝 本帖最後由 monsterbb100 於 26-4-2012 02:16 編輯
你想做個攻擊全補型聖徒呀？首先，你要知道聖徒既定位~~ 若果你想做攻擊補師，就唔好做聖徒，轉審判算~~ 聖徒既定位係輔助補師，加D攻擊技係幫忙輸出下，聖徒點都做唔到助攻，更唔洗講係主攻~~ 所以聖徒既方向發展係全輔全補型。當然，加一D強既既攻擊技黎幫忙助攻係好重要，先唔講打巢穴或龍穴呢D，平時副本，刷憐憫，若果你連DD輸出都冇，真係幾拉隊友時間~~
以下係我個聖徒現時既配點~~
http://goo.gl/CQfiM
先分析一下牧師技︰
盾擋 點到5，擋6下，乜都夠晒~~ 唔識閃避你點爆佢都會破盾，識閃基本上擋6下你都用唔晒~~
連鎖閃電 點到6，用黎破光防，比十字、審判同聖騎同埋自己輸出，幾好用，點太小又冇攻擊，太多又因為起手慢，好多時若果你係打小怪，怪都跑左去你先出到電出黎，又係白費，所以連鎖一般係用黎埋單，或大體型既怪，用多左你會知幾時係用既時機~~
治癒必滿，補師食飯技，係以你既HP上限黎加血，血多加越多，一般聖徒係主推血同魔，就係因為治癒以HP黎計算~~
不屈同自然精通滿，血加得多，又加物防，聖徒以推魔為主，所以物防有機會低過魔防，用呢個技黎推返高物防都唔錯~~
其他閃技，空中調整技都要滿，全龍之谷所有職都係咁點~~
智力訓練同精通點3就夠，暫時我聖徒都未出現過冇MP既情況
起身反擊必要，果半秒起身無敵係防你比怪繼續浮空~~
祭司技方面︰
先講必點技，治癒之手必滿，又一聖徒補血食飯技，用既機率比治癒更多~~ 以魔攻黎計補血多少~~
權杖精通 滿，唔好睇少佢第三下果三道電，所有攻擊技都CD緊時，用普攻，第三下果三道電係連擊黎，尾刀清小怪一流~~
雷爆 滿，埋單一流，配合雷電效應，放響群怪度，一大堆怪中左觸電效果，再一個雷爆，基本上都清左大部份既怪~~
電光箭點4，多一個攻擊技，而且係遠攻技黎，電得幾遠下，用黎觸發觸電效果都唔錯，可以配合雷電效應或雷爆一流~~
聖徒三招輔助Buff，能點到6就點6，神怒只能點到5，好似你咁，神聖庇護點得1，會比審判，十字同聖騎媽叉你，佢地推光攻，就係靠你呢招buff黎推到100%光攻~~
神聖之光點1，係防比怪打，而且攻擊都幾高，1點就可以彈開怪之餘又可以清怪，但點高又冇乜用，因為唔常用~~ (你被打先觸發喎... 你都唔想用血黎做攻擊掛？)
電杖點到11係為左點出電杖EX，EX左既電杖強好多，亦都係聖徒主要攻擊技黎~~ 配減CD既紋，可以放到兩支電杖~~
唔點聖光十字架同神聖風暴既原因，先講聖光十字架~~ 起手超慢，又易中斷，而且個十字架又飛得勁慢，你跑都快過佢，又只能打直線，仲要前置浪費好多點數，真係冇鬼用技能黎~~ 而神聖風暴雖然係強，但CD太耐，再加上你用時仍會被打扣血，你有雷爆都夠晒，唔洗呢招，再加上前置亦都浪費好多點數，唔要好過要~~
天堂審判唔點係因為你用左呢招，會用唔到奇蹟，奇蹟先係聖徒食飯技，又可攻擊，又可防禦，所以你用奇蹟好過~~
神跡救援都唔好點，要被打先機率觸發... 你用聖徒既血盾仲好過佢~~ 或者全身用生命字尾仲易解發被打加血多過呢招，而且生命字尾加血仲多過佢~~
聖徒三技必點~~ 神聖護盾，即血盾，好好用既技能，一定時間內被打會加血，buff黎，唔止你係咁，你附近既隊友都會有呢個buff~~ 用黎防被群怪打超有用，好似海龍1R第4波用，可以防隊友GG，憐憫既盲目副本，被牛衝前用，可以防止隊友撞死~~ 總之好多機會會用到啦~~
衝擊之手點出黎，唔好睇少呢招，你將所有杖都放晒出黎，再用呢招，你D杖立即通電並攻擊杖附近既怪，清群怪一流~~ EX唔洗講啦掛，一定點啦~~ 加強聖徒既主要攻擊技喎~~
以上比你參考下啦~~ 不喜勿插，大家討論下o者~~ 本帖最後由 nakuz_445634 於 26-4-2012 11:48 編輯
雷電引爆比神聖風暴更強? 本帖最後由 monsterbb100 於 27-4-2012 04:07 編輯
雷電引爆比神聖風暴更強?
nakuz_445634 發表於 26-4-2012 11:47 http://www.nakuz.com/bbs/images/common/back.gif
唔一定會強過，但若果你計算埋CD時間既輸出，同埋令群怪觸電後引爆既眾數，就一定會超過神聖風暴~~ 因為神聖風暴有一弱點，就係當你用既時候，怪被打係會慢慢彈開，若果係風暴外既怪，多數中得一兩Hit就打唔到佢，而且神聖風暴唔會拉怪埋中心點，即係越外圍既怪，中既hits數越少，但雷爆唔同，首先，雷爆要有導引，即怪要中左觸電效果先會中招，但聖徒基本上所有技都會有觸電機率，電杖、連鎖閃電同雷電效應基本上中招既都係100%觸電，而電光箭雖然字面話機率觸電，但我玩聖徒咁耐既測試，發現基本上係有80%以上會中觸電效果，再加上若果隊中有十字或審判，佢地既招都會引發怪觸電既果，雷爆有個好處係人地既技令怪觸電，你雷爆佢都會一樣有效~~ 所以以眾多環境因素黎計，雷爆係好過神聖風暴既，只係雷爆有一個缺點，就係一定要怪中左觸電效果先有效，你傻傻咁當係單一輸出技黎用係冇效既，就正如衝擊之手一樣，你連杖都冇插黎用，一樣係冇效既~~ 所以聖徒可以介定為後勁輸出都可以~~ 好的 我神聖點前置
還有我看過半糖t4的片
連鎖會上修
那有需要點高嗎？ 好的 我神聖點前置
還有我看過半糖t4的片
連鎖會上修
那有需要點高嗎？
nakuz_445634 發表於 26-4-2012 21:38 http://www.nakuz.com/bbs/images/common/back.gif
你宜家都係咁樣點住先吧.....
因為T4會洗晒你D點重新配過,而配法會唔同晒....
同埋宜家無配點模擬器好難去評論....
頁:
[1]