不列癲 v 馬雅 後帝死鬥 如何破羽弓+鷹勇

HiuHugh

我睇過一個replay, 見不列癲對馬雅，後帝死鬥，正路不列出長弓+劍勇，馬雅出鷹勇+羽弓，雙方出投石車就必然

問題係馬雅機動力贏不列九條街，鷹勇要避開行得慢ge 劍勇，同時羽弓對劍勇有加成，加上鷹勇拆投石車一流，何況羽弓血多走得快，比投石車打中無咁易死。
長遠鬥經濟馬雅贏，開波鬥速度因為多隻村民又贏，加上弓兵便宜，不列癲又無姆指環，不列癲真係無得打。唯一有優勢係有騎兵同弓兵射程遠同弓兵生產速度，但羽弓同鷹勇真係食弓兵食到應。

一句到尾︰點打? 唔通出騎兵同輕騎? 不列癲雖然無血統，但騎兵攻守都可以升到滿。

順帶一提，就算打隨機地圖黑暗時代，我都覺得馬雅食滑不列癲，但無睇過類似replay ，無謂紙上談兵。

HiuHugh

馬雅經濟強係因為佢個 「資源維持+20%」，另外邊有人會對馬雅出弩跑ga?

黑暗就話少出鷹勇，但死鬥無理由唔出鷹勇，鷹勇多血到喊，唯一驚劍勇，但羽弓克劍勇

如果轉用匈奴同中國，咁我條問題問黎都無咩意思

另外玩黑暗要同馬雅鬥快升城係好難，佢開波多隻村民同不列殺羊快，我估馬雅有優勢

其實無論黑暗定死鬥，馬雅鷹勇真係食到不列癲好應，無記錯鷹勇對騎士有加成，所以好難爆馬壓低馬雅，加上機動力其高，不列癲真係打得好被動

另外我覺得劍勇矛海有得打，但有無replay 睇?

HiuHugh

真係頂唔順... 上網問資料真係要有批判思考

1. 馬雅羽弓高機動力高箭防，一定贏到不列長弓，叫我長弓拼羽弓真係叫我輸
2. 馬雅大部份部隊機動力高，弩炮傷害唔多，何況馬雅招牌鷹勇多血同招攻城武器快，有人叫我出弩炮，真係幽默
3. 我問不列叫我轉民族...
4. 啱啱查左，精鷹對騎兵有+4 加成，普通鷹無
5. 如果技術差距大咁我都唔駛問啦，我問得當然係指技術相若

最後我其實好少上樂古，我想問肉肉點解?

同埋「某人」D 中文好難睇

其實我都有提過下黑暗，答黑暗唔算太off topic。不過黑暗都係爆騎士，唔知玩馬弓ok 唔ok 呢? 用不列TownCentre 平ge優勢黎玩經濟，我估有得打(紙上談兵)