無綫重頭劇《衝上雲霄II》收視好,劇中多場火辣性感戲也有功勞,前晚一集有三女連環性感挑逗Chilam,及馬國明與拋胸林芊妤(Coffee)的調笑戲,帶來收視平均29點(約186萬觀眾),最高31點(約199萬觀眾),無綫未接投訴,而通訊事務管理局則收到14宗投訴,指含不雅內容,不適合兒童觀看。馬德鐘(馬神)太太張筱蘭暗寸無綫灑鹽花,她在微博寸道:「這樣艷色無邊的劇情,不但令觀眾吃不消,做演員的另一半看見毛管也豎直!」
Chilam:冇底線談到火辣戲份,馬國明笑言很記得當日冒雨冒寒拍攝,有沒有留意Coffee好身材?他笑說:「全crew人都留意到!Coffee嗰日好辛苦,一停機就要着番衫。」馬明認為火辣場口無可厚非:「靚吖嘛!多啲noise,最緊要多人睇。」他亦不認同張筱蘭指灑鹽花:「只係裝飾啫,火辣戲係要突出Chilam角色嘅風流,咁嚴謹嘅劇唔使灑鹽花吸收視。」
被讚好艷福的Chilam亦在電話中笑說:「係劇情一部份,唔係劇嘅中心思想,仲有好多精采劇情,呢個都幾挑戰觀眾嘅底線,但我係演員冇乜底線,只尊重導演嘅要求。」對於有指太太袁詠儀谷肥他免女埋身,Chilam笑說:「多謝捧場喇,呢啲係一個角色或者一套劇受歡迎嘅附帶產品,我心甘命抵接受。」
http://hk.apple.nextmedia.com/entertainment/art/20130725/18347725
|