入左支啱曬心水既Li-Polymer流動充電器!

whowhy

前幾日同fd去旺電睇下d電話配件, 見到幾多間鋪頭都有賣手機流動電池, 睇下睇下又見到支幾啱心水, 心想依家用智能手機d電確實去得幾快, 入多個流動電池應急都喺幾唔錯.
其實之前都有打算買流動電池, 所以對流動電池都做左d功課, 知道依家d流動電池多數分為兩種, 一種喺用傳統液態電解質Li-ion電芯(即喺18650電池)既流動充電器, 呢類電池多數喺電筒形; 另一種則喺用膠狀既Li-Polymer電池蕊, Li-Polymer最大特點就喺外形多樣且一般做得更加輕薄, 而且就安全性能黎講, 膠狀的Li-polymer更勝一籌, 不過一分錢一分貨, Li-Polymer流動電池價錢喺高d, 而我睇中呢支就喺用的Li-Polymer電池蕊,主要喺貪佢外形夠曬輕細, 又有雙出, 唔單只可以差手機, 差tablet都完全冇壓力呀~!