科拿夥前英超球星 撐手機遊戲《足球大師》

Goth

在香港並由Gameone代理的《足球大師》，大會更特別請來前來香港參加足球表演賽的幾位前英超球星助陣宣傳新遊戲上市，當中最為香港球迷熟悉是兩位利物浦球星科拿（Robbie Fowler）和路爾斯加西亞（Luis García），另外還有前利物浦球星赫尼斯（Steven Harkness）及前諾定咸森林球星迪斯獲加（Des Walker）助陣。

Goth

《足球大師》以動態擷取方法錄製動作數據，為比賽帶來非常逼真的球員動作，例如盤球、過人、逼搶、飛剷等動作都似模似樣，而且更可使用「施丹式轉身」、「凌空抽射」、「倒掛金鈎」等難度動作，原來兩位遊戲代言人李健和及丘建威都有份參與動態擷取製作，和哥更話戴晒全身感應器扮Model做動作好有趣！

ladyemperor

《足球大師》更獲得「FIFPro」正式授權，遊戲內共有超過6,000名世界知名真實球星以實名及真樣登場，玩家可以從各種比賽以及活動中得到超級球星加盟，要排出美斯、C朗拿度及尼馬組成的超強鋒線都唔係冇可能！玩家在遊戲內更要「一腳踢」全權管理球隊，由戰術排陣、買賣球員到增加收入都要絞盡腦汁，更可在比賽期間及時作換人調動、更換戰術扭轉形勢，挑戰性相當高！

ladyemperor

大家又想唔想知4位球星在遊戲中最想得到哪幾位球星組識自己的夢幻球隊？當中以赫尼斯回答時最為積極，美斯、C朗拿度、蘇亞雷斯同尼馬都係必然之選咁話；至於科拿就話如果揀龍門就會揀德國紐亞，答案都相當大路喎！至於排陣方面，赫尼斯就話要排「4-3-1-2」，美斯一定係最前兩名球員之一；至於路爾斯加西亞就話要排「4-3-3」，進攻型踢法夠晒進取！

ladyemperor