精靈寶可夢 GO 八大秘訣 懶人孵蛋靠狗狗

小桃438

秘訣一：短時間去最多地方
想捕捉多啲寶可夢，用最短時間去最多地方一定有着數。坐電車係唔錯選擇，因為電車行得夠慢，坐喺車度都捉到，慳番唔少腳骨力。踩單車、踩滑板都得，但當然要先注意安全啦。玩得夠癲嘅，仲可以約埋一齊租架車，當正追星咁去捉寶可夢。

小桃438

秘訣二：頻頻光顧PokéStops
大家要去多啲PokéStops，因為呢度可以拎到寶可夢球同寶可夢蛋做獎勵。香港有度好，就係PokéStops比較密集，搭一程巴士都可以經過唔少PokéStops。

古蘭特

秘訣三：懶人孵蛋法
要孵隻寶可夢蛋，又唔想行幾km，懶人梗係有方法，只要將部手機綁喺你隻狗狗度，等佢自己來回走，一樣可以呃「里數」！

古蘭特

秘訣四：建立消息群組
同friend一齊玩精靈寶可夢 GO有兩個好處，一來冇咁悶，二來可以分頭行動，或者建立群組，搵到寶可夢之後再互通消息，咁就事半功倍啦。

克勞德

秘訣五：航拍
寶可夢匿埋喺窿罅位？唔使驚。天外飛仙咪得囉，出動到航拍裝置，寶可夢捐去邊都走唔出你手指罅。

克勞德

秘訣六：練習掟球技巧
前面講幾多都假，唔識掟寶可夢球，一樣捉唔到寶可夢。按實個寶可夢，等到綠色圈變細，捉到寶可夢機率會增加，但就難啲掟中。另外，又可以掟出旋轉球，掟中可以攞到多啲經驗值。

呀橙

秘訣七：完善配備裝置
工欲善其事，必先利其器，玩精靈寶可夢 Go咁食電，尿袋梗係不能缺少。隻game玩一粒鐘大概用50mb，有無限上網plan或者用wifi就比較有so。

呀橙

秘訣八：課金
講到尾，隻game都係鬥錢多。你畀到起錢，可以買高級版嘅寶可夢球，藥水、香薰等一大堆輔助物品。

嘆風

http://hk.apple.nextmedia.com/enews/realtime/20160715/55360222