楊婉儀(Winnie)於09年喺香港創立嘅「楊婉儀教育中心」,提供兒童語言及美術等課程,最近佢再擴充,今日為其澳門分校主持啟用儀式,邀請好友歐陽妙芝帶同兩個囝囝、楊思琦、向海嵐及王愛倫等撐場。
Winnie決定放棄娛樂事業,喺教育事業大展拳腳,今次澳門分校籌備半年開業,更計劃2015年喺九龍塘區開設自家品牌嘅幼稚園,長遠考慮提供一條龍服務,包括小學至中學,讓香港家長及學童有更多選擇:「香港嘅歲半至兩歲學童好難搵幼稚園,想幫吓佢哋。」
是次揀選澳門開設分校,Winnie解釋:「澳門有需求,又冇乜國際學校。」佢強調好多投資者搵佢合作,但佢堅持以教學為己任:「對我嚟講教育最重要,要明白小朋友嘅情況,唔會同淨係為賺錢嘅投資者合作。」
http://hk.apple.nextmedia.com/enews/realtime/20130706/51536688 |