自high發洩隨筆

fung307

頭先發生左幾件事真係令我嬲爆
岩岩打算去初任頻做醬油俠~
入場後,只見一個新手,無為意就F5,點知下一秒就開始
我問點解咁快開始,但條友冇應機
當時打緊月面要塞第一關,我清完左邊既渣古,再望一望右邊
草泥馬的居然係度掛機坐享其成,我當然好唔忿氣咁等D渣古打爆隻木馬號整輸個任啦。

   跟住第2場,我比人邀左入房,我快眼一睇,係3個新手挑戰皇牌級戰艦炮火(呢種情況通常被叫成不可能的任務)
我本來都打算幫一幫佢地,正當想F5既時候,個房主居然向我倒數[5 4 3 2 1]
雖然比人倒數係好正常,但居然係我入房後4至5秒內發生既事,實在令人愕然,事後當然走場唔幫。

呢D咁既情況真係令我有一番感慨:點解你地D新手好似覺得我地D老玩家一定要幫你過任,你做房主唔等於大哂,老玩家比你邀入房唔等於你好威可以請到老手幫過任,當我一睇到你向我倒數果一刻,我既感受係覺得你命令緊我囉,我地老玩家當中有唔少係想放工或放學後打返場機輕鬆下當係減壓,倒頭來係比一副似係命令既態度要求快D F5,咁搞法真係好冇癮囉。


可能某D玩家係現實上受盡萬千寵愛,一聲令下就可能有成堆人擁護你。但進入虛擬世界之後你就會變返普通人一個,唔會再有人睇你面色而迎合你。
如果玩家既態度肯比D禮貌,好可能會有D老手會大發慈悲,一口氣用謎之力幫你破哂你想做既任(係會發生但機率不大)。

最後,希望各位玩家養成良好品德,玩家們互相以禮待人,造就美好既遊戲環境。
(雖然好難定義點樣先係良好品德,但都加油啦)

自high發洩完了~
搵個理由比自己點解要發post:可能就黎要考DSE,所以積左唔少壓力

送圖養眼

JoKer820

算啦有時d新手想快快手手過咗個任佢{:15_740:}
見你又咁高軍階咪坐享其成囉{:15_784:}

darkcha

哇哇哇